മുംബൈ - ഐ.പി.എല്ലില് ക്യാപ്റ്റനായ അരങ്ങേറ്റം സഞ്ജു സാംസണ് ഗംഭീരമാക്കി. പഞ്ചാബ് കിംഗ്സിനെതിരായ മത്സരത്തില് 54 പന്തില് 12 ബൗണ്ടറിയുടെയും അഞ്ച് സിക്സറുകളുടെയും സഹായത്തോടെ സഞ്ജു സാംസണ് സെഞ്ചുറി പൂര്ത്തിയാക്കി. 33 പന്തില് രണ്ട് സിക്സറും ഏഴ് ബൗണ്ടറിയുമായാണ് അര്ധ ശതകം പിന്നിട്ടത്. മറുതലക്കല് വിക്കറ്റ് വീണതൊന്നും സഞ്ജുവിന്റെ ഏകാഗ്രത ഉലച്ചില്ല. ഉത്തരവാദിത്തത്തോടെ ബാറ്റേന്തിയ ക്യാപ്റ്റന് പതിനൊന്നാം ഓവറില് ടീമിനെ 100 കടത്തി. പതിനെട്ടാം ഓവറില് ഇരുനൂറും. പഞ്ചാബിന്റെ ആറിന് 221 പിന്തുടരുകയാണ് രാജസ്ഥാന്.