ന്യൂദൽഹി- രാജ്യത്ത് 18,327 പുതിയ കോവിഡ് കേസുകൾ കൂടി റിപ്പോർട്ട് ചെയ്തു. 24 മണിക്കൂറിനിടെ 108 പേർ കോവിഡ് ബാധിച്ച് മരിച്ചതായും കേന്ദ്ര ആരോഗ്യ മന്ത്രാലയം അറിയിച്ചു. ഇതോടെ മരണസംഖ്യ 1,57,656 ആയി.
വിവിധ സംസ്ഥാനങ്ങളിലായി മൊത്തം കോവിഡ് കേസുകളുടെ എണ്ണം 1,11,92,088 ആയി. 1,80,304 പേരാണ് നിലവിൽ ചികിത്സയിലുള്ളത്. . 7,51,935 സാംപിളുകളാണ് വെള്ളിയാഴ്ച പരിശോധിച്ചത്. 22,06,92,677 സാംപിളുകൾ ഇതുവരെ പരിശോധിച്ചുവെന്ന് ഐ.സി.എം.ആറിന്‍റെ കണക്കുകൾ വ്യക്തമാക്കുന്നു.
1,94,97,704 പേർക്ക് കോവിഡ് വാക്സിനേഷൻ ലഭ്യമാക്കിയതായി ആരോഗ്യമന്ത്രാലയം അറിയിച്ചു. മാർച്ച് ഒന്നിനാണ് മുതിർന്ന പൗരൻമാർക്കും 45 വയസിന് മുകളിൽ പ്രായമുള്ള മറ്റ് രോഗബാധിതരുമായ വ്യക്തികൾക്ക് വാക്സിൻ നല്‍കിത്തുടങ്ങിയത്.
