റിയാദ്- തഖസ്സുസിയിൽ പ്രിൻസ് തുർക്കി ബിൻ അബ്ദുൽ അസീസ് അൽഅവ്വൽ റോഡുമായി ബന്ധിപ്പിക്കുന്ന അൽഅറൂബ പാലം റിയാദ് പ്രവിശ്യ സെക്രട്ടറി പ്രിൻസ് ഫൈസൽ ബിൻ അബ്ദുൽ അസീസ് ബിൻ അയ്യാഫ് തുറന്നുകൊടുത്തു. ശേഷം അദ്ദേഹവും ഉദ്യോഗസ്ഥരും പാലം സന്ദർശിക്കുകയും ചെയ്തു.
ആറുവരി പാതയുള്ള ഈ പാലത്തിൽ നാലു സർവീസ് റോഡുകളാണുള്ളത്. 610 മീറ്റർ നീളവും 26 മീറ്റർ വീതിയുമുണ്ട്.
ഒരു വർഷം മുമ്പാണ് പാലത്തിന് റിയാദ് ഗവർണർ ഫൈസൽ ബിൻ ബന്ദർ ബിൻ അബ്ദുൽ അസീസ് തറക്കല്ലിട്ടത്. ഒരു വർഷത്തോളം സർവീസ് റോഡുകളിലൂടെയായിരുന്നു ഗതാഗതം തിരിച്ചുവിട്ടിരുന്നത്.