ചാമ്പ്യന്സ് ലീഗില് ഗോളടി വീരനായി മാറിയ നോര്വെ സ്ട്രൈക്കര് എര്ലിംഗ് ഹാലാന്റ് ജര്മന് ലീഗില് ഉജ്വലമായി അരങ്ങേറി. ബൊറുഷ്യ ഡോര്ട്മുണ്ടിനു വേണ്ടി 20 മിനിറ്റില് പത്തൊമ്പതുകാരന് ഹാട്രിക് പൂര്ത്തിയാക്കി ഓഗ്സ്ബര്ഗിനെതിരെ പിന്നിലായ ശേഷം ഡോര്ട്മുണ്ട് 5-3 ന് ജയിച്ചു. ടീം 1-3 ന് പിന്നില് നില്ക്കെയാണ് ഹാലാന്റ് പകരക്കാരനായി വരുന്നത്. വെറും മൂന്നു മിനിറ്റിനകം ആദ്യ ഗോളടിച്ചു. 20 മിനിറ്റ് പിന്നിടും മുമ്പെ രണ്ടു ഗോള് കൂടി നേടി.
ഈ സീസണില് ഓസ്ട്രിയയിലെ സാല്സ്ബര്ഗിനു വേണ്ടി 22 കളികളില് 28 ഗോളടിച്ചിരുന്നു ഹാലാന്റ്. ഈ സീസണില് ആറാമത്തെ ഹാട്രിക്കാണ് ഇത്.